Афганская пошукава-выратавальная служба знайшла самалёт Falcon 10, які раней знік з радараў. Пра гэта паведамляе Расавіяцыя, спасылаючыся на інфармацыю ад расійскай амбасады ў Афганістане.
Згодна з гэтай інфармацыяй, з шасці пасажыраў, якія знаходзіліся на борце, чацвёра жывыя, але атрымалі розныя траўмы. Лёс яшчэ двух чалавек удакладняецца.
Нагадаем, самалёт Falcon 10 (рэгістрацыйны нумар RA-09011) выконваў чартарны санітарны рэйс па маршруце Утапаа (Тайланд) — Ташкент — Масква. На борце знаходзіліся два пасажыры і чатыры чальцы экіпажа. Борт эвакуяваў з Тайланда расіянку, якая да гэтага знаходзілася на апараце ШВЛ. Паводле інфармацыі ад афганскай паліцыі, аварыя адбылася ноччу ў аддаленым горным раёне ў паўночнай частцы Афганістана.