За Аляксандра Лукашэнку на выбарах гатовыя прагаласаваць 82,5% беларусаў. Такія дадзеныя «сацыялагічнага даследавання» дзяржагенцтву БЕЛТА агучыла загадчыца кафедры эканамічнай сацыялогіі і псіхалогіі прадпрымальніцкай дзейнасці, кіраўніца Цэнтра сацыяльна-гуманітарных даследаванняў БДЭУ Ірына Лашук.
Рэспандэнтам прапаноўвалася адказаць на пытанне: «Калі б выбары прайшлі сёння, за каго б вы прагаласавалі?» «За дзейнага кіраўніка дзяржавы» — так адказалі 82,5% апытаных, «за альтэрнатыўнага кандыдата» — 2,9%, «супраць усіх» — 7,9%, «не буду галасаваць» — 6,7%.
Нагадаем, яшчэ ў жніўні 2022 года праўладныя сацыёлагі дакладвалі, што рэйтынг Аляксандра Лукашэнкі расце. У той час, паводле звестак аналітычнага цэнтра ECOOM, яму давяралі 76,3% беларусаў. Пры гэтым у снежні 2021 года тыя ж «даследчыкі» давалі яму 72%.
На думку самога Лукашэнкі, у чэрвені 2023 года каля 80% беларусаў «адназначна падтрымлівалі» той курс, які ён вызначыў.
Чытайце таксама
