Міністэрства замежных справаў Літвы прапанавала ўраду скасаваць пагадненні пра гандлёва-эканамічнае супрацоўніцтва з Беларуссю і Расіяй, падпісаныя 20 гадоў таму, паведамляе LRT.
Адпаведныя праекты пастановаў ужо падрыхтаваныя і апублікаваныя.
У літоўскім МЗС растлумачылі, што гэта звязана з ваеннай агрэсіяй Расіі і Беларусі супраць Украіны, а таксама з тым, што супрацоўніцтва Літвы з гэтымі краінамі цалкам прыпыненае і немагчымае.
Адзначаецца, што скасаванне дамоваў у аднабаковым парадку не прынясе негатыўных наступстваў Літве, а беларускі і расійскі ўрады атрымаюць паведамленні пра дэнансацыю дамоваў па дыпламатычных каналах.