У Інданезіі ў выніку няшчаснага выпадку загінула італьянская серфінгістка Джулія Манфрыні, якую ўдарыла рыба-меч. Пра гэта паведамляе Corriere della Sera.
36-гадовая жанчына каталася на хвалі, але нечакана з вады выскачыла рыба-меч і ўдарыла яе ў грудзі. Інцыдэнт адбыўся ў пятніцу раніцай у водах астравоў Ментавай у Заходняй Суматры. Гэта вельмі вядомае і папулярнае месца для сёрфінгу ў Паўднёва-Усходняй Азіі.
Сведкамі здарэння сталі двое іншых сёрфераў, яны аказалі першую дапамогу, як маглі, і адвезлі яе ў бальніцу, але выратаваць Джулію не ўдалося.
Манфрыні атрымала юрыдычную адукацыю, але першапачаткова будавала кар’еру ў якасці трэнерки па сноўбордзе. Потым яна зацікавілася сёрфінгам і пераехала на Балі, дзе працавала інструктаркай сёрфінгу.
Адзначаецца, што гэта не адзіны падобны выпадак на астравах Ментавай. У чэрвені, напрыклад, там загінуў амерыканец пасля такога ж нападу, а ў 2023-м на італьянскага сёрфера напала рыба-іголка, але ён змог выжыць.