Аварыя з удзелам грузавых аўтамабіляў Iveco, «Газель» і Fiat здарылася ў ноч на 25 студзеня каля вёскі Дуброўна Баранавіцкага раёна. Пра гэта паведамілі ў МНС.
Інфармацыю пра ДТЗ ратавальнікі атрымалі ў 00.27. Калі яны прыбылі на месца выкліку, то высветлілі, што дапамога патрэбная кіроўцу Fiat, нагу якога заціснула панеллю прыбораў, а дзверы кіроўцы былі заблакаваныя.
Супрацоўнікі МНС адкрылі дзверы з дапамогай спецыяльнай прылады, адціснулі панель прыбораў і вызвалілі ногі кіроўцы. Яго агледзелі дактары, ехаць у бальніцу ён адмовіўся. Кіроўцы іншых грузавікоў не пацярпелі.