Лукашэнка зацвердзіў тэкст прысягі грамадзяніна Рэспублікі Беларусь і працэдуру пазбаўлення грамадзянства «за экстрэмізм»

Лукашэнка падпісаў указ, якім зацверджаны тэкст прысягі грамадзяніна Рэспублікі Беларусь. Як паведамляе ягоная прэс-служба, гэтым жа ўказам вызначаны парадак пазбаўлення грамадзянства за «экстрэмісцкую дзейнасць».

Указам зацверджаны тэкст прысягі грамадзяніна Рэспублікі Беларусь, парадак яе прынясення асобамі, якія сталі грамадзянамі краіны, а таксама акрэслены пералік асоб, якія вызваляюцца ад прынясення прысягі.

— Адначасова вызначаная працэдура ўнясення кіраўніку дзяржавы матэрыялаў пра страту грамадзянства за ўдзел у экстрэмісцкай дзейнасці або нанясенне цяжкай шкоды інтарэсам Рэспублікі Беларусь асобамі, якія знаходзяцца за межамі краіны.

Як заявілі ў прэс-службе, указ распрацаваны з мэтай рэалізацыі апошніх змяненняў Закона «Аб грамадзянстве Рэспублікі Беларусь».

Нагадаем, змены ў закон «Аб грамадзянстве» набылі моц 11 ліпеня.

Чытайце таксама